80 மில்லியனுக்கும் மேற்பட்ட மக்கள் பேசும் தமிழ் மொழி, உலகிலே அதிகம் பேசப்படும் மொழிகளுள் இருபதாவது இடத்தில் உள்ளது. தமிழ் எனும் பதம் மொழி தவிர, அதற்கப்பாலும் வேறு பல விடயங்களைக் குறிக்கின்றது. இது வீறார்ந்த பண்பாடு, பரந்த வரலாறு, கதை மரபுகள் என்பனவற்றைத் தன்னகத்தே கொண்ட நெய்தற் சித்திரச்சேலை ஆகும். தமிழ் இருக்கை முயற்சியானது இவ்வனுபவத்தை நுணுகி நோக்குவதன் மூலம், எதிர்காலத் தலைமுறையினர்க்காக இதனை முழுமையாகப் பேண வழி சமைக்கிறது. எங்கள் அயலவர், நண்பர்கள், குடும்பங்கள் என யாவரும் இவ்வனுபவத்தைப் பெறல் வேண்டும் என அவாவுகின்றோம். கனடாவின் மாண்புறு உயர்கல்வி நிறுவனங்களுள் ஒன்றான ரொறன்ரோ பல்கலைக்கழகத்தில், ஆய்வு, புலமை என்பவற்றை உள்ளடக்கிய தமிழ்க் கற்கைகளை மேற்பார்வை செய்வதற்கான தமிழ் இருக்கையை உருவாக்குவதன் மூலம், வருங்காலத் தலைமுறையினர்க்கான தமிழ்ப் பாரம்பரிய மரபுரிமைத் தேட்டத்தைப் பாதுகாப்போம். தமிழ் இருக்கையானது கடந்த காலத்தில் மேற்கொள்ளப்பட்ட கல்விசார் முயற்சிகளுக்கும், வருங்காலத்தில் மேற்கொள்ளப்பட இருப்பனவுக்கும் இடையில் ஒரு பாலமாக அமையும்; அத்துடன், உலகெங்கிலும் வாழும் தமிழ்ப் புலமையில் ஆர்வமுடைய எவருக்கும் கிடைக்கத்தக்க வகையில் கல்விசார்முயற்சிகளுக்குத் தளம் அமைத்துக் கொடுக்கும்.